127/1268: அவர்வயின் விதும்பல்
127/1268:திருக்குறள்: வினைகலந்து வென்றீக வேந்தன் மனைகலந்து மாலை அயர்க்கம் விருந்து. பொருள்: நமது வேந்தன் தான் மேற்கொண்ட போரில் வெற்றி பெறட்டும்; அதன் மூலம் யாமும் விரைவாக எம் இல்லத்தை அடைந்து, எம் மனைவியோடு கூடி இம்மாலைப் பொழுதில் வெற்றி விருந்து உண்டு மகிழ்வோமாக! விரிவாக்கம்: பாசறையில் இருக்கும் தலைவன் தன் அரசனுக்காகப் போர்க் கடமையை ஆற்றிக் கொண்டிருக்கிறான். நாட்டின் கடமையை முடித்து வெற்றி வாகை சூடினால் மட்டுமே தான் தன் இல்லத்திற்குத் திரும்ப முடியும் என்பதை உணர்ந்தவன், "அரசன் விரைவாகப் போரில் வெற்றி பெறட்டும்; அப்பொழுதுதான் நான் என் தலைவியை விரைந்து சென்று அடைந்து, இம்மாலைப் பொழுதில் அவளோடு ஒன்றிணைந்து பிரிவுத் துயரம் தீர வெற்றி விருந்தைக் கொண்டாடி மகிழ முடியும்" என்று தன் மன விருப்பத்தை நயம்பட வெளிப்படுத்துவதாக இக்குறள் அமைகின்றது. English Translation: Thirukkural: Vinaikalandhu Ventreeka Vaendhan Manaikalandhu Maalai Ayarkkam Virundhu. Meaning: May our king triumph in his battle, so that we may return home to join our beloved and celebrate this evening with a joyful feast...