123/1228:பொழுதுகண்டு இரங்கல்

123/1228:திருக்குறள்:

அழல்போலும் மாலைக்குத் தூதாகி ஆயன்

குழல்போலும் கொல்லும் படை.

பொருள்:

நெருப்பைப் போலச் சுட்டெரிக்கும் இம்மாலைப் பொழுதுக்குத் தூதாக வந்து, ஆயனின் புல்லாங்குழல் ஓசையானது என் உயிரைக் கொல்லும் ஒரு கொடூரமானப் போர்க் கருவியாக மாறிவிட்டது.

விரிவாக்கம்:

காதலனைப் பிரிந்து தவிக்கும் தலைவிக்கு மாலை வேளையே தீயைப் போலச் சுட்டெரிக்கும் கொடியத் துன்பத்தைத் தருகிறது. அந்நேரத்தில், ஆயன் (இடையன்) ஊதும் புல்லாங்குழலின் இனிமையான ஓசையானது தலைவிக்கு ஆறுதல் தருவதற்குப் பதிலாக, மாலைக் காலத்தின் வருகையை முன் கூட்டியே அறிவிக்கும் தூதனாக வந்து அவளது உயிரைக் குடிக்கிறது. வழக்கமாக இன்பம் தரும் புல்லாங்குழல் இசை, பிரிவாற்றாமையால் தவிக்கும் இக்கட்டான சூழ்நிலையில், தலைவியின் உயிரைப் பறிக்க வந்த கொலைக் கருவியாக (கொல்லும் படை) மாறிவிட்டது என்று தன் எல்லை மீறிய வேதனையைத் தலைவி நயம்பட எடுத்துரைப்பதாக இக்குறள் அமைகின்றது.

English Translation:

Thirukkural:

Azhalpolum Maalaikkuth Thoodhaagi Aayan

Kuzhalpolum Kollum Padai.

Meaning:

Arriving as a messenger for the fiery, scorching evening, the shepherd's flute sound has turned into a deadly weapon that slays my soul.

Explanation:

To the maiden suffering in separation, the arrival of evening feels like an engulfing flame. The melodic notes of the shepherd's flute, usually a symbol of sweet romance and tranquility, now act as a grim herald announcing the onset of dusk. Deprived of her lover, this soft music pierces her fragile heart like a lethal weapon, transforming what should be a comforting tune into a cruel force that slowly takes her life.

— Daily a Kural, Meaning, and Explanation. Balaji Balasubramaniam.