130/1294:நெஞ்சோடு புலத்தல்

130/1294:திருக்குறள்:

இனிஅன்ன நின்னொடு சூழ்வார்யார் நெஞ்சே

துனிசெய்து துவ்வாய்காண் மற்று.

பொருள்:

"என் நெஞ்சமே! அவரிடம் செல்லமாக ஊடல் கொண்டு, அதன் பின் கூடலின் இன்பத்தை அனுபவிக்க நீ நினைக்க மாட்டாய்; தலைவனைக் கண்டவுடனேயே அவனோடு இணையத் துடிக்கும் உன்னோடு இனி யார் ஆலோசனை செய்வார்கள்?" என்று தலைவி தன் மனதைக் கடிந்து கொள்கிறாள்.

விரிவாக்கம்:

தலைவன் வந்தவுடன் அவனிடம் சிறிது நேரம் ஊடல் கொண்டு, அவனது தவிப்பைக் கண்டு பிறகே கூட வேண்டும் என்பது தலைவியின் திட்டம். ஆனால், தலைவனைக் கண்ட மாத்திரத்திலேயே அவளது மனமானது ஊடலையெல்லாம் மறந்து அவனிடம் தஞ்சமடையத் துடிக்கிறது. இதனால், "கொஞ்சமாவது ஊடல் செய்து இன்பம் நுகரத் தெரியாத உன்னிடம் இனிமேல் எதைப் பற்றித் தான் கலந்தாலோசிப்பது?" என்று தலைவி தன் சொந்த மனத்தின் அவசரத்தைக் கண்டு செல்லமாகச் சினந்து பேசுவதாக இக்குறள் நயம்பட எடுத்துரைக்கின்றது.

English Translation:

Thirukkural:

Ini-anna Ninnodu Soolvaaryaar Nenjae

Thuniseithu Thuvvaaykaan Matru.

Meaning:

"Oh my heart! You will not sulk first to relish the joy of reconciliation later; who will ever seek your counsel again?"

Explanation:

The beloved intends to feign a little anger to heighten the romance upon her partner's arrival. However, the moment he appears, her impulsive heart abandons all pretenses and longs to yield immediately. Amused and exasperated by her heart's total lack of restraint, she asks how she can ever consult such an impatient mind again.

Daily a Kural, Meaning, and Explanation. Balaji Balasubramaniam.